Këtë vit turizmi është një nga sektorët e ekonomisë të goditura më fort nga pandemia e Covid-19. Me miliarda euro të humbura dhe qindra mijëra vende pune të mbyllura në të gjithë botën.
Megjithatë në Shqipëri, atraksionet kryesore në vend fituan interesin e munguar nga turistët shqiptarë vetëm pas mbylljes së periudhës së karantinës. Plazhet në muajin gusht ishin të tejmbushur sikur Covid-19 nuk ekzistonte.
Atraksionet malore nuk kanë ngelur më mbrapa, sidomos fundjavat e fundit. Me qindra turistë shqiptarë nga Shqipëria dhe Kosova kanë vërshuar në Valbonë dhe Theth. Bujtinat dhe njësitë e tjera akomoduese ishin të tejmbushura.
-Ishte një udhëtim shumë i bukur – thotë Klodi, e cila bashkë me bashkëshortin e saj dhe fëmijën 9 muajshe kaluan qafën e Valbona dhe pas një ecje disa orëshe zbritën në Theth dhe shijuan ushqimet tradicionale të zonës dhe vizituan atraksionet turistike të saj.
Valbona ofron qetësinë dhe bukurinë e papërsëritshme të luginës së saj mes maleve më të larta në gjithë Alpet Dinarike.
Ushqimet janë tradicionale, pa harruar mazën, ngjymin me speca dhe mjaltin e prodhuar nga vetë pronarët e bujtinave.
Ujëvara e Grunasit në Teth numëronte një numër të pazakontë vizitorësh, e pazakontë edhe për një fundjavë të zakonshme.
Më poshtë, disa foto nga udhëtimet e Aventurës në Alpet Shqiptare;
