Itinerari 2 ditor (Ku perfshihen udhetimi per 2 dite, akomodim 1 nate ne Bujtina, Transport me automjet (opsional me kuaj)
Curraj i Epërm është një nga fshatrat më të bukur të Shqiperisë. Kufizohet me Parkun Kombëtar të Valbonës dhe Thethit dhe është pjesë e Parkut Natyror Rajonal të Nikaj-Mërturit. Curraj i Epërm shtrihet në lartësinë 800 m mbi nivelin e detit dhe rrethohet me disa maja të larta mbi 2000 m. Fshati përshkohet nga lumi i Currajve i cili kalon përmes tij duke ndarë fshatin pothuajse në mënyrë simetrike.
Fshati ka pamjen e një amfiteatri natyror të mrekullueshëm në Alpet Shqiptare. Kete fshat e kanë vizituar shumë studiues vendaj dhe të huaj, ndër të cilët mund të përmendim emra si: Fraz Nopça i cili ka zbuluar dhe një sëpatë iliro-dalmate, Karl Stenmetz, Edith Durham dhe shumë alpinistë, botanistë, speleolog, gjeologë etj. vlen të theksohet se në Curraj i Epërm kanë qëndruar priftat At.Bernardin Palaj, At. Donat Kurti, të cilët kanë mbledhur dhe regjistruar disa nga këngët më të bukura të Eposit të Kreshnikëve të rrëfyera nga banorët vendas dhe që janë botuar në “Visaret e Kombit” si dhe gojëdhëna, doke, zakone, përralla popullore etj.
Për të eksploruar Currajt e Epërm duhen të paktën 3-4 ditë, pasi ka shumë vende të bukura për t’u vizituar, ku ja vlen te përmendim Bjeshkën e Currajve, Lumin e Plasë, kanionet e lumit, ujvarat, Shkambin e Forcës ( monument natyror), Pikun e Currajve si dhe Kuçin dhe Qereshin, pjesë e Currajve të Epërm, etj.
Gjithashtu në Curraj i Epërm në ekspedita të ndryshme që nga viti 1994 nga speleologë italianë e sllovenë janë eksploruar disa shpella ndër të cilat shpella më e gjatë në Shqipëri, Shpella “Bira e Zezë” në Qeresh e eksploruar deri tani 6.5 km.
Gjithashtu ne afersi ndodhen dhe Shpella e Boshit 3.5 km, Shpella mbi Ndrevataj mbi 3 km si dhe shpella të tjera si Rrajzave, e Lumit, e Shkambit etj.
Dita e pare – Tirane – Koman – Raje, Fierze – Curraj
Udhëtimi fillon nga Tirana në Koman dhe zgjat rreth 3 orë. Lundrimi Koman – Raje, Fierze zgjat 2 orë 30 minuta. Gjatë lundrimit në Liqenin e Komanit na rrethon një pamje fantastike në dy anët e Liqenit, shihen shumë fshatra të Rrethit të Shkodrës, të Pukës dhe të Tropojës, gjithashtu grykderdhjet e Lumit të Shalës, Currajve etj. Trageti në disa vende kalon përmes grykave të shkëmbinjve në dy anët e Liqenit, që bien vertikalisht mbi ujerat e liqenit blu dhe që arrijnë lartësinë mbi 1000 metra. Me këto pamje spektakolare lundrimi vazhdon deri në fshatin Raje, aty ku lundrimi përfundon.
Zbresim nga trageti dhe udhëtojmë drejt zones së Nikaj – Mërturit , Park Natyror Rajonal. Ndalojmë në Curraj t’Poshtëm nga ku fillon ecja për Currajt e Epërm.
Nga Terminali i Rajes, vazhdojme udhetimin tone me automjet deri ne Curraj t’Poshtem, duke ndjekur Shtegun e Rrases se Currajve, ecje e cila zgjat diku tek 5-6 ore, rreth 12 km. Gjate rrugetimit kalojme mes bukurive te rralla te maleve te veshur me pyje me ah dhe bimesi te gjelberuar lajthi, thana, fierishte, livadhe, etj. Akomodimi ne bujtinat e fshatit.
Dita e dyte: Curraj – Qeresh – Mulaj – Btoshe – Shengjergj – Tirane Pas mengjesit, vizitojme shpellen e Qereshit, ose e quajtur ndryshe Bira e Zeze, shpella me e gjate ne Shqiperi e eksploruar deri tani me mbi 6 km gjatesi, e cila ngelet akoma e pashkelur ne pjesen tjeter te paeksploruar ende. Rruges per tek shpella kalojme neper gurrat e Qereshit, nje ecje rreth 8-9 ore me pushime, ku konsumojme dhe dreken piknik nen hijet prane krojeve. Kthimi neper fshatrat e zones, per te vazhduar me automjet per kthimin ne Tirane.
Ne kete udhetim perfshihet:
Nje (1) nate akomodim ne bujtine me megjes, perfshire dhe nje (1) dreke piknik.
Opsionale – transport lokal me kuaj neper shtigjet e zones kundrejt pageses shtese
Transport Tirane Koman Terminal ne Raje, Fierze dhe knga rruga e kombit ne Tirane.
Kontakto tani: +355 67 268 4343
