0
0
Cilësitë antivirale të Cistus Incanus
Cistus ka veti të forta antivirale. Parandalon infeksionet virale që shkaktojnë proteinat e zarfit viral. Proteinat e zarfit viral janë proteina të ngulitura në kapsulën e një virusi, një shtresë e ngjashme me guackën që mbështjell ADN-në virale ose ARN-në. ADN virale dhe ARN janë materiali gjenetik që përdor një virus për të përsëritur vetveten, dmth shumëfishimin pasi të ketë hyrë brenda në një qelizë pritëse. Proteinat virale të zarfit janë ato që i lejojnë viruset të bashkohen dhe të hyjnë në qelizat pritëse, dhe më pas të vazhdojnë të përsërisin ADN-në dhe ARN-në e tyre.Viruset nuk mund të riprodhohen në mënyrë të pavarur; ata duhet të kenë qasje në një qelizë pritëse në mënyrë që të riprodhojnë dhe krijojnë më shumë viruse. Kur një virus fiton qasjen në një qelizë pritëse dhe fillon të përsëritet, ky ndërhyn në proçeset normale të qelizës pritëse; kjo është pjesërisht ajo që çon në simptomat e sëmundjeve virale.
Taktika e viruseve është agresivisht invazive, por lajmi i mirë është që Cistus Incanus është zbuluar si frenues i veprimit të proteinave të zarfit viral në një numër të llojeve të ndryshme të viruseve, duke parandaluar zhvillimin e tërë këtij proçesi.
Cistus ka demostruar një aftësi për të parandaluar si virusin Ebola ashtu edhe HIV (virusin e imunitetit të njeriut) nga lidhja me qelizat pritëse! Në studimet afatgjata (24 javë) të kafshëve, nuk u gjetën viruse rezistente të HIV-it ndaj Cistus. Përveç kësaj, besohet se përbërësit e shumtë antiviralë në Cistus janë ato që e bëjnë atë të efektshme kundër Ebola-s, që ka qenë rezistent më parë ndaj strategjive të trajtimit farmaceutik. Kjo terapi mund të gjejë përdorim të gjerë për trajtimin e këtyre sëmundjeve shumë serioze, pasi HIV është bërë rezistent ndaj një numri të madh trajtimesh farmaceutike aktuale antivirale dhe aktualisht nuk ka terapi antivirale të aprovuara në adresimin e trajtimit të virusit Ebola (Rebensburg et al, 2015). Këto janë çështje serioze, por është shpresëdhënëse të mendosh që një substancë si Cistus mund të plotësojë këtë boshllëk të nevojshëm në trajtim.
Përveç shënjestrimit të proteinave të zarfit viral kundër HIV dhe Ebola, Cistus gjithashtu ka demostruar aktivitet antiviral kundër virusit të influencës A. Gripi A është një virus i rrezikshëm sepse ka aftësinë të krijojë me shpejtësi mutacione dhe t’i rezistojë trajtimeve farmaceutike. Cistus është i suksesshëm në trajtimin e Gripit A sepse jo vetëm që synon vetë virusin, por gjithashtu ndihmon në zvogëlimin e siptomave të infeksionit viral duke ndalur prodhimin e citokinave pro-inflamatore, molekulat e sistemit imunitar të lëshuara për shkak të provokimit viral që shkaktojnë inflamacion trupor (Hudson , 2009).Më në fund, Cistus mund të jetë një mundësi e shkëlqyeshme për trajtimin e viruseve që prekin traktin e sipërm të frymëmarrjes, siç janë rinoviruset. Cistus është zbuluar se ul ndjeshëm simptomat ashtu edhe biomarkuesit inflamatorë që lidhen me infeksionet e traktit të sipërm respirator tek njerëzit (Kalus, 2009).
Studim shkencor nga Lindsay Christensen botuar në revistën shkencore ProHealth.com
Pergatiti Blerim Minka, Ekspert i Mireqenies & Shendetit
Per me shume informacion: +355 68 606 7735
E-mail: blerim.minka@revistaime.com
