0
0
30 Qershori eshte afati perfundimtar per fiskalizimin, nderkohe qe Administrata Tatimore ka raportuar se momentalisht ky proces ka perfunduar per 100% te biznesit te madh e atij te vogel me TVSH, nderkohe qe priten vetem 10% e atyre pa TVSH.
Drejtoria e Tatimeve njofton se nga 1 janari 2021 deri me 27 qershor 2022, eshte realizuar me sukses fiskalizimi ne masen 100% per biznesin e madh dhe te vogel me TVSH, qe jane rreth 108 mije tatimpagues, ndersa mbi 4500 tatimpagues te biznesit te vogel pa TVSH kane aplikuar per t’u pajisur me certifikaten elektronike te fiskalizimit.
Ne njoftim e Administrates Tatimore thuhet: “Ne total, referuar te njejtes periudhe, jane leshuar 407,353,527 fatura te fiskalizuara. Ndersa pritet fiskalizimi i rreth 10% tatimpaguesve te biznesit te vogel pa TVSH, duke perjashtuar ketu tatimpaguesit, qe nuk ushtrojne aktivitet, e megjithate nuk mund te kalojne ne status pasiv, per shkak te detyrimeve te papaguara, etj”.
“30 qershori eshte afati i fundit per fiskalizimin! Inkurajojme te gjithe tatimpaguesit, qe nuk e kane nisur ende procesin e fiskalizimit, te aplikojne fillimisht per marrjen e certifikates elektronike, dokument elektronik i leshuar nga AKSHI, permes sherbimit digjital “Aplikim per certifikate elektronike per projektin e fiskalizimit” i cili udhezon per hapat, qe duhen ndjekur, per aplikim te suksesshem” vijon njoftimi.
Nga data 1 korrik 2022, librat e shitjes/blerjes dhe deklarata e TVSH-se do te plotesohen automatikisht, sipas te dhenave te sistemit te fiskalizimit. Nese ka biznese pas dates 30 qershor qe ende nuk e kane bere fiskalizimin administrata tatimore do te duhet te vendose gjoba.
